सिन्धुलीमा पत्रकारहरुको अन्र्तक्रिया कार्यक्रम सम्पन्न

एस बी गौतम फागुन ३ सिन्धुली ।

भावी संविधानमा प्रेस स्वतन्त्रता र छापाखाना तथा प्रकाशन ऐन विषयक पत्रकार अन्तरक्रिया कार्यक्रम आज सिन्धुलीमाढीमा सम्पन्न भएको छ ।
सूचना विभाग काठमाड सन्चार केन्द्र हेटौंडाको आयोजना र नेपाल पत्रकार महासंघ सिन्धुली शाखाको सहयोगमा सम्मन्न कार्यक्रमको उद्घाटन पत्रकार महासंघ सिन्धुलीका पूर्व सभापतिहरु शोषराज दहाल ,लीललनाथ घिमिरे र राजकुमार कार्की ले संयुक्त रुपमा गर्नुभएको थियो ।
पत्रकार महासंघ सिन्धुली शाखाका सभापति संजय दहालको सभापतित्वमा भएको कार्यक्रममा सिन्धुलीका विभिन्न संचार माध्यममा काम गर्ने पत्रकार हरुको सहभागिता रहेको थियो । कार्यक्रममा सूचना विभागका उपसचिब उदय नेपालले भावी संविधानमा पे्रस स्वतन्त्रता,छापाखाना तथा प्रकाशन सम्बन्धी ऐनको विषयमा तयार परिएको एक कार्यपत्र समेत प्रस्तुत गर्नु भएको थियो । कार्यक्रममा सिन्धुलीका पत्रकारहरुले सिन्धुलीमा पत्रकारीताको अवस्था र अब बन्ने संविधानमा पत्रकारहरुले पाउनुपर्ने सेवा ,सुविधा र सुरक्षाका बारेमा आ आफ्नो राय सुझाव राखेका थिए ।