दुई वटा बस एक आपसमा ठोक्किँदा १० जनाको मृत्यु, पाँच दर्जन भन्दा बढी घाइते

 चैत २१  सुनसरी। सुनसरीको लौकहीमा सोमबार दुई वटा बस एक आपसमा ठोक्किँदा मृत्यु हुनेको सङ्ख्या दश पुगेको छ । दुर्घटनामा  ६२ जना  यात्रु घाइते भएको छन् । विराटनगरबाट सप्तरीको फत्तेपुर आउँदै गरेको ना.३ ख २३७० नम्बरको बस र विपरित दिशाबाट गइरहेको ना.२ ख ६८३५ नम्बरको बस ठोक्किएका थिए । 

दुर्घटनापछि तीन जनाको घटनास्थलमै र सात जनाको उपचारका क्रममा विराटनगरस्थित न्यूरो अस्पतालमा मृत्युभएको हो । घाइतेमध्ये १५ को अवस्था गम्भीर रहेको अस्पताले जनाएको छ । गम्भीर घाइतेको विराटनगरस्थित विराटनगरस्थित न्यूरो अस्पतालमा र सामान्य घाइतेको इनरुवा अस्पतालमा उपचार भइरहेको छ । 

घटनालगत्तै उद्धारका लागि गएको प्रहरीको बा.१ झ ८३० नम्बरको भ्यानसमेत दुर्घटनामा परेको थियो । प्रहरीको भ्यानलाई पूर्वबाट पश्चिम आउँदै गरेको ना.२ ख ४०२८ नम्वरको बसले ठक्कर दिँदा ६ प्रहरी घाइते भएका छन । घाइत प्रहरीको पनि विराटनगरको न्यूरो अस्पतालमै उपचार भइरहेको छ ।