देवकला कार्की
चैत २१ धनकुटा। किरात आठपहरीया समाज धनकुटाको आयोजनामा किरात आठपहरीया समूदायमा जनगणना सचेतना कार्यक्रम धनकुटामा सञ्चालन भईरहेको छ । धनकुटाको बेलहारा ,भीरगाउँ र नगरपालिका क्षेत्रभित्र मात्र बसोबास गर्दै आएका किरात आठपहरीया समूदायमा आठपहरीयाको पृष्ठभूमी लगायत जनगणना सम्बन्धी जानकारी दिने उद्देश्यले सचेतना कार्यक्रम सञ्चालन भइरहेको हो ।
कार्यक्रममा आठपहरीया जातीको उत्पती लगायत आगामी २०६८ को जनगणनामा सम्पूर्ण आठपहरीया समुदायले राई हटाई आठपहरीया लेखाउनु पर्ने, साथै भाषामा आठपहरीया र धर्ममा किरात धर्म लेखाउनु पर्ने सम्बन्धमा जानकारी भइरहेको छ । चैत्र १६ गतेदेखि शुरु भएको कार्यक्रममा हाल सम्म नगरपालिकाको ३ वटा, भीरगाउ गाबिसका २ वटा वडामा कार्यक्रम सम्पन्न भईसकेको छ ।
धनकुटा नगरपालिका ८ चाम्जिबुङ्गमा र बेलहारा गाबिसको वडा नं.१, २ र ३ मा आज सम्पन्न भएको सचेतना कार्यक्रम संयोजक नारायण आठपहरीयाले जानकारी दिनु भएको छ ।
किरात आठपहरीया समाज उपत्यका कार्यसमिति काठमाण्डौको सहयोगमा सचेतना कार्यक्रम सञ्चालन भइरहेको छ ।
No comments:
Post a Comment