कूल तामाङ्
चैत २० धादिङ। पृथ्वि राजमार्ग अन्तर्गत धादिङको कृष्णभीर सडक खण्डबाट आज दिउँसो एउटा निजी कार त्रिशुली नदीमा खस्दा दुई जनाको घटनास्थलमै मृत्यु भएको छ । दुर्घटनामा अन्य दुई जना गम्भीर घाइते भएका छन् ।
बुटवलबाट काठमाडौं तर्फ आउँदै गरेको बा ८ च २३४ नम्वरको कार दिउँसो साँढे दुई बजे कृष्णभीरबाट त्रिशुली नदीमा खस्दा बुटवल स्थायी घर भएकी अन्दाजी २३ वर्षीया इन्दीरा ज्ञावाली र २८ वर्षीय शन्तोष ज्ञावालीको मृत्यु भएको जिल्ला प्रहरी कार्यालय धादिङले जानकारी दिएको छ ।
दुर्घटनामा घाइते भएका दिप्ती पाण्डे र शन्तोष पाण्डेलाई उपचारको लागि काठमाडौं पठाइएको छ । कार अनियन्त्रित भएर सडकबाट त्रिशुलीमा खसेको प्रहरीले जनाएको छ ।
No comments:
Post a Comment