शेरबहादुर के.सी. चैत ४ रूकुम।
रुकुम जिल्लाका एक दर्जन भन्दाबढी स्थानमा ग्रामिण तथा कृषि सडक निर्माण भएपछि खच्चर बेचेर टयाक्टर किन्नेको संख्या बढेको छन् । गाउ गाउमा ग्रामिण तथा कृषि सडक ग्रामिण भएपछि खच्चर व्यवसाय ओझेलमा परेको भन्दै ब्यबसायीले खच्चर बेचेर टयाक्टर किन्न थालेका छन् । सडक नपुगेका पहाडका ठाउमा बर्षौदेखि यातायातका प्रमुख साधनका रुपमा चिनिने खच्चर रुकुमका ग्रामिणवस्तिमा सडक पुगेपछि खच्चरबाट ढुवानी गर्दा महङगो हुने र ढिलो हुने भएपछि खच्चर बेचेर टयाक्टर किन्न थालेको कोल–५ का रामबहादुर बुढाले बताउनुभयो । बिगतका बर्षमा खच्चरबाट राम्रो आम्दानी हुने भएपछि पैतिस वटा खच्चर पालेका मेकोट–४ का लोकबहादुर बुढाले खच्चरव्यवसाय छाडेर टयाक्टर किन्नुभएको छ । विगतका बर्षमा खच्चर व्यवसायबाट वार्षिक सात लाख रुपैैया कमाउने लोकबहादुरले, सडक पुगेपछि यसबर्ष खच्चर पाल्ने र दाना खुवाउने मात्र गर्दा ७ लाख रुपैयाघाटा लागेको बताउनुभयो । ट्याक्टरबाट दैनिक पच्चीसहजार सम्म आम्दानी हुने गरेको उहाँको भनाई रहेको छ । तकसेराका मानवहादुर वुढामगर पनि खच्चर वचेर ट्याक्टर किन्नुभएको छ । आधुनिक जमानामा खच्चर पालन व्यवसायबाट खासै फाईदा नभएकाले यो व्यवसाय त्यागेको जानकारी दिनुभयो ।
No comments:
Post a Comment