फागुन १८ नुवाकोट। नेपाली कांग्रेसका केन्द्रिय सदस्य डा. रामशरण महतले माओवादी लडाकुको व्यवस्थापन नभए सम्म संविधान नबन्ने बताउनुभएको छ । जेठ १४ भित्र जसरी पनि संविधान लेखिनु पर्ने भए पनि सबै भन्दा ठुलो बाधक माओवादी बनेको उहाले आरोप लगाउनुभयो ।
नुवाकोट खानीगाउको सिद्धेश्वर महादेवको प्राण प्रतिष्ठामा सहभागी हुन आएका नेता महतले पत्रकारहरुसंगको कुराकानी गर्दै संविधान बन्नु अगाडी नै माओवादी लडाकुको शिविर खाली हुनु पर्नेमा जोड दिनुभयो ।
सातबुदे सम्झौता नै अबैध भएकोले सो सम्झौता अनुसार नया सरकारले पूर्णता नपाउने पनि उहाको भनाई छ । पूर्व अर्थ मन्त्रि समेत रहेका केन्द्रिय सदस्य डा महतले सात बुदेलाई माओवादी र एमालेले जसरी सच्चाए पनि नेपाली कांग्रेस कुनै पनि हालतमा सरकारमा नजाने बताउनुभयो ।
उहाले माओवादीको क्षणिक स्वार्थको कारण मुलुक अन्यौल बन्दै गएको आरोप लगाउनुभयो ।
No comments:
Post a Comment