रुद्रगोपाल डाँगी
फागुन १० रुकुम। पर्यटन पत्रकारीतालाई जोड दिदै पर्यटन बर्ष २०११ लाई सफल बनाउन जिल्ला स्थित क्रियासिल पत्रकारहरुको एक भेलाले पर्यटन पत्रकार समुह रुकुम गठन गरेको छ । जिल्लामा प्रशस्त मात्रामा पर्यटन पत्रकारीताका आधार रहदारहदै पनि प्रचारप्रसारको अभाबमा ओझेललमा परेका पर्यटकीय क्षेत्रहरुको बिकास सगै प्रचारप्रसारमा जोड दिने उदेश्यले पर्यटन पत्रकार समुह गठन गरियको हो ।
पर्यटन पत्रकार समुह रुकुमल आगामि दिनहरुमा जिल्ला पर्यटन बिकास समिति र पत्रकार महासंघ रुकुम संग सहकार्य गर्दै समुह अगाडि बढ्ने बताईएको छ । जन्तिधारा साप्ताहिकका महेश केसीको अध्यक्षतामा गठन भएको पर्यटन पत्रकार समुह रुकुम ७ सदस्यिय रहेको छ । जसमा उपाध्यक्षमा ईमेज च्यानलका रुद्रगोपाल डाँगी, सचिबमा राप्ती आवाजका तारक केसी, सहसचिबमा कारोबार दैनिकका मेगराज खड्का र कोषाध्यक्षमा रेडियो सिस्नेका मनिषा केसी रहनुभएको छ । अन्य सदस्यहरुमा रेडियो सानीभेरीका हरी गौतम र गोरखापत्र दैनिकका सुरेन्द्र खत्री रहनुभएको छ । भेला जिल्ला पर्यटन बिकास समिति रुकुमका सदस्य गोपाल केसीको अध्यक्षतामा र नेपाल पत्रकार महासंघ रुकुमका अध्यक्ष कमल थापाको प्रमुख आथित्यतामा सम्पन्न भएको थियो ।
उक्त कार्यक्रममा जिल्ला स्थित स्थानिय तथा राष्ट्रिय संचारसंस्थासंग आबद्ध पत्रकारहरुको उपस्थिति रहेको थियो । समुहले रुकुम जिल्लाका पर्यटकिय स्थलहरुको सामुहिक अबलोकन गरी त्यसको प्रचार प्रशारमा जोड दिने र पर्यटन बिकासको लागी मासिकरुपमा पत्रिका प्रकाशा समेत गर्ने जनाएको छ ।
No comments:
Post a Comment