सितोरिय कराँते प्रतियोगिता रोकिने अवस्थामा

यम चौलागाई

 चैत १८ सिन्धुली। सिन्धुली जिल्लामा केही समय पछि हुन गइरहेको जनकपुर अञ्चल स्तरिय सितोरिय करा“ते प्रतियोगिता स्थानीय निकायको असहयोगले रोकिन लागेको आयोजकले बताएका छन् । पटक–पटकका अन्र्तक्रिया र बैठकमा आश्वासन पाएपनि दलिय नियन्त्रणमा रहेको स्थानीय निकायबाट कुनैपनि सहयोग नभएपछि प्रतियोगिता नै स्थगित गर्ने मनसायमा आयोजकहरु पुगेका हुन् । प्रतियोगिता  खेलाडी उत्पादन गर्ने तथा सुस्ताएको खेलकुदलाइ अगाडि बढाउने उदेश्यका साथ आयोजना हुन लागेको अञ्चल स्तरिय प्रतियोगिताका लागि सिन्धुली जिल्ला विकास समिति र कमलामाइ नगरपालिकाले बजेट बिनियोजन नगरेको आयोजक समितिका अध्यक्ष एवं सितो रियो करा“तेका अन्र्तराष्ट्रिय खेलाडि गोपीलाल वम्जनले दुखेसो पोख्नुभयो ।

घरको दालभात खाएर आफ्नो जन्मथलोमा खेलकुदको विकास गर्ने र खेलाडी उत्पादन गर्न स्वयंसेवककोरुपमा

आफुहरु खटेपनि त्यो मर्म र भावनालाइ दलहरुले बुझ्न नसकेकाले पलाएन हुन लागेको समेत अध्यक्ष वम्जनले रेडियो साहारालाइ प्रतिक्रिया दिनुभयो ।

सिन्धुली जिल्लामा सम्भावना बलियो भएका भविष्यका कर्णघार खेलाडिहरु थुप्रै भएपनि प्रतियोगिताको अभावमा उनीहरुले आफ्नो प्रतिभालाइ प्रष्फुटन गर्न नपाएको सितोरियो करातेका राष्ट्रिय खेलाडि भागवत श्रेष्ठले बताउनुभयो । भाषण गर्दा खेलाडि राष्ट्रका गहना हुन् भन्ने राजनीतिक दलका नेताहरुले व्यवहारमा खेलकुद क्षेत्रलाइ उपेक्षा गर्ने गरेको अर्का राष्ट्रिय खेलाडि बमबहादुर स्याङ्तानले आरोप लगाउनुभयो । जनकपुर अञ्चल स्तरिय सितोरियो करा“ते प्रतियोगिता सिन्धुलीमा नभए खेलकुद क्षेत्रमा जिल्ला धेरै पछाडि पर्ने राष्ट्रिय खेलाडि स्याङतानको ठम्याइ छ । अझैपनि राजनीतिकदल तथा स्थानीय निकायका प्रमुखहरुलाइ उनीहरुले खेलकुदको विकासका लागि आवश्यक बजेट बिनियोजन गरि प्रतियोगिता सम्पन्न गराउने तर्फ सोचिदिन एकमुष्ट आग्रह समेत गरेका छन् ।

 प्रतियोगिता सम्पन्न गर्न स्थानीय निकायका दुइ कार्यालयबाट आयोजकले १०लाख सहयोगको अपेक्षा गरेको बताइएको छ ।