पूर्वी इलामको कन्याममा पनि महोत्सव

सोम सुनुवार  चैत २ इलाम ।

पर्यटन वर्ष २०११ को सन्दर्भसमेत पारेर इलामको पूर्वी पर्यटकीय स्थल कन्याममा यस वर्ष पनि कन्याम महोत्सवको आयोजना गरिने भएको छ । कन्याम गाविस र कन्याम पर्यटन विकास केन्द्रको संयुक्त आयोजनामा आगामी चैत्र २९ गते देखि बैशाख २ गतेसम्म महोत्सव गरिने कन्याम गाविस सचिव नेत्रप्रसाद पोखरेलले बताउनु भयो । महोत्सवलाई सफल बनाउन बिभिन्न १३ वटा समिति गठन गरिएको छ । महोत्सवले समग्र इलामको पर्यटन विकासमा सहयोग पुग्ने आयोजकले जनाएको छ ।