तीन लाख १७ हजारलाई हात्ती पाइलेको औषधी खुवाईने

राजेन्द्र न्यौपाने चैत ९ गोरखा ।

जिल्ला स्वस्थ्य कार्यालय गोर्खाले जिल्लाभर १२ र १३ गते ६१ हजार २ सय ४५ परिवारका ३ लाख १७ हजार २ सय ५५ जनालाई हात्ती पाईले रोगको औषधी खुवाउने जानाकारी दिएको जिल्ला स्वस्थ्य कार्यालमा आयोजित अन्र्तक्रिया कार्यक्रममा वोल्दै हात्तीपाईले रोग निवारणका कार्यक्रम संयोजक नवराज खड्काले जिल्लाको सवै गाविस र एक नगरपालिकामा हात्तिपाईले रोगको औषधी पुगीसकेको जानाकारी गराउनु भयो । सवै भन्दा गोर्खाको पालुङटारमा नौ हजार ९५ जना र सवै भन्दा कम प्रोक गाविसमा सात सय ८० जनाले हात्तीपाईले रोगको औषधी खाने छन् ।

हात्तीपाईले रोग क्युलिएस जातको पोथी लामखुट्टेले मानिसको शरिरमा टोक्दा उचेरेरिया बाँक्रोफ्टी नामको परजिविले रोगी बनाउँछ ।रोग नियन्त्रणको लागी वर्षमा दुई पटक छ वर्षसम्म लगातार औषधीको सेवन गर्नु पर्ने स्वस्थ्य मन्त्रालयले जनाएको छ । दुई वर्ष माथीकालाई मात्र स्वस्थ्य कर्मीको प्रत्क्षय निगरानीमा हात्ती पाईलेको औषधी खुवाइने छ भने एस एल सी दिने विद्यार्थीलाई भने परिक्षाको अन्तिम दिन परिक्षा केन्द्रमा नै औषधी खुवाईनेछ । गाविस इलाका क्षेत्र र जिल्लामा हात्तीपईलेको रोगको र निवारण गर्ने अन्तरक्रिया गर्दै खाली पेटमा औषधी खान नहुने जानाकारी दिइएको छ ।

नेपालको सवै भन्दा वढी हात्तीपाईले रोगको जोखीम नुवाकोटमा २९ प्रतिशत रहेको छ । तिन वर्ष अघि गोर्खामा १९ दशमलव ६ प्रतिशत व्यक्तिमा हात्तीपाईले रोगको जोखीम देखीए पनि हाल परजिवि शुन्य भएको जिल्ला स्वास्थ्य कार्यालयका प्रमुख डाक्टर गुणराज लोहनीले जानाकारी दिनुभएको छ । विश्वको ८३ देशमा १ अर्व ४ करोड मानिसमा जोखिम छ भने १२ करोड मानिसमा जोखिम उच्च रहेको एक तथ्यांकले देखाएको छ । त्यस्तै गरी दक्षिण एशियामा ६० प्रतिशत जोखीम छ भने भारतमा मात्रै ४० प्रतिशत हात्तीपाईले रोगको जोखीम रहेको देखाएको छ ।

नेपाल सरकारले २०१८ सम्म हात्तीपाईले रोगको निवारण गर्ने लक्ष अनुरुप पाँच जिल्लामा कार्यक्रम सम्पन्न गरेको छ । यहि चैत्र १२ र १३ गते ३६ जिल्लाका एक करोड ३६ लाख मानिसलाई हात्तीपाईले रोगको औषधी खुवाईने जिल्ला स्वास्थ्य कार्यलय गोरखा प्रमुख डा. गुणराज लोहनीले जानकारी दिनुभयो ।