हिम नाथ दवाडी
चैत २५ काठमाडौं। होटल संघ नेपालको एक प्रतिनिधि मण्डलले हालै राष्ट्रपति रामवरण यादवलाई भेटी पर्यटन बर्ष २०११ का सम्बन्धमा जानकारी गराएका छन् । होटल संघ नेपालले नेपालको पर्यटन प्रवद्र्धन गर्न अन्तर्राष्ट्रिय कार्यक्रम तय गरेको छ ।
कार्यक्रममा होटल संघ नेपालको सहयोगमा अमेरिकन प्रसिद्ध काटुनिष्ट रारान लुरीले आफ्नो पेन्टीङ मार्फत नेपाललाई विश्व मानचित्रमा चिनाउने अभिप्रायले आफ्नो प्रसिद्ध युनीटिङ पेन्टीङलाई सगरमाथाको चुचुरोमा पु¥याउने अभियान थालेको संघका अध्यक्ष प्रसिद्धबहादुर पाण्डेले बताउनुभयो । त्यस्तै संयुक्त राष्ट्रसंघका महासचिव वान कि मुनले पनि यस कार्यलाई समर्थन गर्ने प्रतिबद्धता जनाउनु भएको छ ।
संसार भरका पर्यटन व्यवसायको प्रतिनिधित्व गर्ने एकमात्र अन्तर्राष्ट्रिय व्यापारिक संगठन अन्तर्राष्ट्रिय होटल तथा रेष्टुरेन्ट एशोसियसनको वल्ड कंग्रेसले नेपाल पर्यटन बर्ष २०११ लाई लक्षित गरि यही बर्षको नोभेम्बर ३० देखि डिसेम्बर २ सम्म होटल संघ नेपालको आयोजनामा नेपालमा विभिन्न कार्यक्रम हुन गइरहेको जानकारी पनि राष्ट्रपति समक्ष प्रस्तुत गरेको संले जनाएको छ ।
प्रसिद्ध काटुनिष्ट रारान लुरीले उनको पेन्टीङ संयुक्त राष्टसंघको लवी,न्यू वर्क सिटी, उत्तर तथा दक्षिण कोरियाको सिमाना, इजरायल लगायतका देशमा शान्ति र संद्भाव बढाउने संम्बाहकका रुपमा प्रदर्शमा राखिएको सोही कार्यक्रमा जानकारी दिइयो ।
No comments:
Post a Comment